Breaking News

ଠକେଇ ମାମଲାରେ ମହାତ୍ମା ଗାନ୍ଧିଙ୍କ ଅଣନାତୁଣୀଙ୍କୁ ୭ ବର୍ଷ ଜେଲ୍‌।

ଭାରତର ଜାତୀୟ ପିତା ମହାତ୍ମା ଗାନ୍ଧିଙ୍କର ଅଣନାତୁଣୀଙ୍କୁ ଠକେଇ ଓ ଜାଲିଆତି ମାମଲାରେ ସୋମବାର ଦିନ ଦକ୍ଷିଣ ଆଫ୍ରିକାର ଡର୍ବାନର ଏକ କୋର୍ଟ ୭ ବର୍ଷର କାରାଦଣ୍ଡରେ ଦଣ୍ଡିତ କରିଛନ୍ତି । ମହାତ୍ମା ଗାନ୍ଧିଙ୍କ ଅଣନାତୁଣୀ ଆଶିଷ ଲତା ରାମଗୋବିନଙ୍କୁ କୋର୍ଟ ୬ ମିଲିୟନ୍ ଦକ୍ଷିଣ ଆଫ୍ରିକୀୟ ରାଣ୍ଡ୍ ର ଠକେଇ ମାମଲାରେ ଦୋଷୀ ସାବ୍ୟସ୍ତ କରିଛନ୍ତି। ଯାହାକି ଭାରତୀୟ ମୁଦ୍ରାରେ ପାଖାପାଖି ୩ କୋଟି ୨୨ ଲକ୍ଷ ୮୪ ହଜାର ୪୬୦ ଟଙ୍କା ହେବ। ୫୬ ବର୍ଷୀୟା ଆଶିଷ ଲତା ରାମଗୋବିନ୍ ବ୍ୟବସାୟୀ ଏସ.ଆର ମହାରାଜଙ୍କୁ ଠକିଥିବା ଅଭିଯୋଗ ହୋଇଛି । କୁହାଯାଉଛି କି ଏସଆର ମହାରାଜଙ୍କୁ ଭାରତରୁ କିଛି ସାମଗ୍ରୀ ଆମଦାନୀ ଓ ସୀମା ଶ୍ଳୁକ ଛାଡ କରିବା ନେଇ ତାଙ୍କ ଠାରୁ ୬୦ ଲକ୍ଷ ରେଣ୍ଡ ଆଣିଥିଲେ ଓ କଥା ଦେଇଥିଲେ କି ଏହାଦ୍ୱାରା ହେବାକୁ ଥିବା ଲାଭରୁ କିଛି ଅଂଶ ସେ ମହାରାଜଙ୍କୁ ଦେବେ ।

ତେବେ ସୂଚନା ଥାଉ କି, ଆଶିଷ ଲତା ରାମଗୋବିନ୍ ଜଣାଶୁଣା ଆକ୍ଟିବିଷ୍ଟ ଏଲା ଗାନ୍ଧୀଙ୍କ ଓ ସ୍ୱର୍ଗତଃ ମେୱା ରାମଗୋବିନ୍ଦ ଝିଅ ଅଟନ୍ତି। ଯିଏ ଦକ୍ଷିଣ ଆଫ୍ରିକାରେ କାର୍ଯ୍ୟକାଳ ସମୟରେ ମହାତ୍ମା ଗାନ୍ଧୀଙ୍କ ଦ୍ୱାରା ପ୍ରତିଷ୍ଠିତ ଫିନିକ୍ସ ସେଟେଲମେଣ୍ଟକୁ ପୁନର୍ଜୀବିତ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ । ୨୦୧୫ ମସିହାରେ ଏହି ମାମଲା ନେଇ ଲତା ରାମଗୋବେନଙ୍କ ବିରୋଧରେ ଶୁଣାଣି ଆରମ୍ଭ ହୋଇଥିଲା । ସେତେବେଳେ ରାଷ୍ଟ୍ରୀୟ ଅଭିଯାନ ପ୍ରାଧିକରଣ (ଏନପିଏ) ର ବ୍ରିଗେଡିୟର ଇଙ୍ଗବାନୀ ମୁଲୋଦଜୀ କହିଥିଲେ କି ରାମଗୋବେନ ନିବେଶକ ମାନଙ୍କୁ ବିଶ୍ୱାସ ଦେଇଥିଲେ କି ଭାରତରୁ ୩ ଟି କଣ୍ଟେନରରେ ଲିନେନ୍ ଆସୁଛି ।

କେବଳ ସେତିକି ନୁହେଁ ସେ ନିବେଶକ ମାନଙ୍କୁ ଜାଲ ଦସ୍ତାବିଜ ବି ପ୍ରଦାନ କରିଥିଲେ । ସେତେବେଳେ ଲତା ରାମଗୋବେନଙ୍କୁ କୋର୍ଟ ୫୦ ହଜାର ରେଣ୍ଡରେ ଜାମିନ୍ ପ୍ରଦାନ କରିଥିଲେ । ହେଲେ ସୋମବାର ଦିନ କୋର୍ଟରେ ଶୁଣାଣି ବେଳେ ଏନପିଏ ମୁଖପାତ୍ର ନତାଶା କର କୋର୍ଟକୁ ସୂଚନା ଦେଇଥିଲେ କି, ଲତା ରାମଗୋବେନ ୨୦୧୫ ମସିହା ଅଗଷ୍ଟ ମାସରେ ବ୍ୟବସାୟୀ ଏସଆର ମହାରାଜଙ୍କୁ ଭେଟିଥିଲେ ଓ କହିଥିଲେ ଆମଦାନୀ ମୂଲ୍ୟ ଓ କଷ୍ଟମ ଡ୍ୟୁଟି ଦେବା ପାଇଁ ସେ ଆର୍ଥିକ ଅସୁବିଧାର ସମ୍ମୁଖୀନ ହେଉଛନ୍ତି, ବନ୍ଦରରେ ସାମଗ୍ରୀ ସଫା କରିବା ପାଇଁ ତାଙ୍କୁ ଟଙ୍କା ଦରକାର ।

ଏନେଇ ସମସ୍ତ ଦସ୍ତାବିଜ ଯାଂଚ ପରେ ମହାରାଜ ଲିଖିତ ଚୁକ୍ତିପତ୍ର ମାଧ୍ୟମରେ ଲତା ରାମଗୋବେନଙ୍କୁ ୬.୨ ନିୟୁତ ରାଣ୍ଡ ଋଣ ଦେଇଥିଲେ । ହେଲେ ଏହାର ଏକ ମାସ ପରେ ଲତା ରାମଗୋବିନ୍ ଏସଆର ମହାରାଜଙ୍କୁ ଏକ ଡକ୍ୟୁମେଣ୍ଟ୍ ପଠାଇଥିଲେ, ଯାହା ଦର୍ଶାଇଥିଲା ଯେ ସାମଗ୍ରୀ ବିତରଣ କରାଯାଇଛି ହେଲେ ଦେୟ ଦିଆଯାଇ ନାହିଁ । ଏହାପରେ ମହାରାଜ ଜାଣିବାକୁ ପାଇଥିଲେ କି ଲତା ରାମଗୋବେନ ତାଙ୍କ ସହିତ ଧୋ କ୍କା କରିଛନ୍ତି । ଏହା ଜାଣିବାପରେ ମହାରାଜ ଲତାଙ୍କ ନାମରେ ଅପରାଧିକ ମାମଲା ଦାଖଲ କରିଥିଲେ ।ଏହି ମାମଲାର ଶୁଣାଣି କରି ଡର୍ବାନ କୋର୍ଟ ତାଙ୍କୁ ୭ ବର୍ଷ ଜେଲ ଦଣ୍ଡରେ ଦଣ୍ଡିତ କରିଛନ୍ତି ।

ଏମିତି ଦେଶ ଦୁନିଆର ନୂଆ ନୂଆ ଖବର ସହ ମନୋରଞ୍ଜନ ର ଖବର ସହ ସ୍ୱାସ୍ଥ୍ୟ ଓ ଧର୍ମ ବିଷୟରେ ଅନେକ ଜଣା ଅଜଣା କଥା ପାଇଁ ଆମ ପେଜକୁ ଲାଇକ ଓ ଫଲୋ କରନ୍ତୁ । ପୋଷ୍ଟ ଭଲ ଲାଗିଥିଲେ ଆପଣ ଅନ୍ୟ ମାନଙ୍କ ସେୟାର କରନ୍ତୁ । ଆମର ପ୍ରୟାସ ରହିବ ଏମିତି ନୂଆ ନୂଆ ଖବର ଆପଣଙ୍କ ପାଇଁ ଆଣି ଦେବୁ, ଧନ୍ୟବାଦ

About admin

Check Also

ଆସିଗଲା ମେଟ୍ରିକ୍ ପରୀକ୍ଷା ରେଜଲ୍ଟ ତାରିଖ ଶୀଘ୍ର ଦେଖନ୍ତୁ, ବାହାରିବାକୁ ଯାଉଛି ମାଟ୍ରିକ ରେଜଲ୍ଟ…ଦେଖନ୍ତୁ କେଉଁ ସମୟରେ ବାହାରିବା ରେଜଲ୍ଟ !

ବର୍ତମାନର ବଡ଼ ଖବର ଛାତ୍ର ଛାତ୍ରୀ ଙ୍କ ପାଇଁ ବଡ଼ ଖୁସି ଖବର ଆସନ୍ତା ବୁଧବାର ପ୍ରକାଶ ପାଇବ ପାଇବା …

Leave a Reply

Your email address will not be published.