ଯାତ୍ରା ଆଜି ଓଡିଶାର କୋଣ ଅନୁକୋଣରେ ପହଞ୍ଚି ପାରିଛି । ଯାତ୍ରାକୁ ବି ଲୋକ ମାନେ ଅନେକ ଭଲ ପାଇବା ଦେଉଛନ୍ତି । ଦିନେ ଯେଉଁ ଯାତ୍ରା ଦେଖିବା ପାଇଁ ଲୋକ ମାନେ କୁଣ୍ଠା ବୋଧ କରୁଥିଲେ ଆଜି ସେହି ଯାତ୍ରା ଦେଖିବା ଲୋକଙ୍କର ଲାମ୍ବା ଧାଡି ଲାଗିଛି । ଯାତ୍ରା ତାରା ରୂପ ରେଖା ବଦଳାଇଛି । ଆଗ ପରି ଆଉ ସାଧାରଣ ମଞ୍ଚ ନାହିଁ ଏବେ ଯାତ୍ରା ପେଣ୍ଡାଲ ଦର୍ଶକଙ୍କ ମନ ମୋହୁଛି ।
ଯାତ୍ରାରେ ଏବେ ଲାଇଟ ସାଉଣ୍ଡ ଠାରୁ ଆରମ୍ଭ କରି ଗେଟ ପର୍ଯ୍ୟନ୍ତ ସବୁ କିଛିରେ ପରିବର୍ତ୍ତନ ଆସିଛି । ସେଥିପାଇଁ ତ ଯାତ୍ରା ଏବେ ଓଡିଆ ସିନେମାକୁ ପଛରେ ପକାଇ ସବୁଠାରୁ ଲୋକପ୍ରିୟ ମନୋରଞ୍ଜନର ମାଧ୍ୟମ ପାଲଟିଛି । ଯେଉଁଠି ଲୋକ ମାନେ ୧୦୦ ଟଙ୍କା ଖର୍ଚ୍ଚ କରି ସିନେମା ଦେଖିବା ପାଇଁ ଯାଉ ନାହାନ୍ତି କିନ୍ତୁ ଯାତ୍ରାରେ ଡବଲ ମୂଲ୍ୟର ଟିକେଟ କରି ଯାତ୍ରା ଦେଖିବା ପାଇଁ ପସନ୍ଦ କରୁଛନ୍ତି ।
ଏବେ କିଛି ସିନେମା ଓ ସିରିଏଲ କଳାକାର ମାନେ ମଧ୍ୟ ଯାତ୍ରାରେ ଅଭିନୟ କରିଲେଣି । ଯାତ୍ରାରେ ଏବେ ମେଲୋଡି ଧିରେ ଧିରେ ଉନ୍ନତ ହେଉଛି । ଯାତ୍ରାରେ ଏବେ ଅନେକ ସିଙ୍ଗର ଓ କଳାକାର ମାନେ ଲୋକପ୍ରିୟ ହେବା ରେ ଲାଗିଲେନି । ସେମିତି ଜଣେ ଯାତ୍ରା ସିଙ୍ଗର ହେଲେ ମାନସ କୁମାର । ମାନସ ଙ୍କ ଏ କେତେ ଦୁଖ ଦେବୁ ଦେ ରେ କାଳିଆ ଗୀତ ଟି ସାରା ଓଡିଶାରେ ଚହଳ ପକାଇଛି ।
ପୂର୍ବ ବର୍ଷ ମାନସ ଧଉଳି ଗଣନାଟ୍ୟରେ ଥିଲେ । ମାନସ ଧଉଳି ରେ ଥିବା ବେଳେ ମଧ୍ୟ ତାଙ୍କର ଅନେକ ଗୀତ ଲୋକପ୍ରିୟ ହୋଇଥିଲା । ଭାବିଲେ ଭାବୁଛି ତୋତେ ଗୀତ ଟି ମାନସଙ୍କର ବହୁତ ଲୋକପ୍ରିୟ ହୋଇ ପାରିଥିଲା । ଏହି ଗୀତ ଏବେ ସାରା ଓଡିଶା ରିଲ୍ସ ରେ ଟ୍ରେଣ୍ଡ ରେ ରହିଛି । ଏହି ବର୍ଷ ମାନସ ଯାତ୍ରା ସ୍ଵର୍ଣମହଲରେ ଅଛନ୍ତି ।
ଗତ କିଛି ଦିନ ତଳେ ମାନସ ବୌଦ୍ଧର ଜମଟାଙ୍ଗୀରେ ମଞ୍ଚରେ କେତେ ଦୁଖ ଦେବୁ ଦେ ରେ କାଳିଆ ଗୀତ ଟି ବୋଲି ଥିଲେ । ଏହି ଗୀତରେ ଦର୍ଶକ ମାନେ ଏତେ ଖୁସି ମାନସ ଙ୍କୁ ଏତେ ପଇସା ଦେଇଥିଲେ ତାଙ୍କ ପାଖରେ ଜାଗା ହୋଇ ନଥିଲେ । ଶେଷରେ ସେ ଦୁଇଟି ଜରି ରେ ପଇସା କୁ ରଖି ଥିଲେ । ମାନସ ଙ୍କୁ ସେହି ରାତିରେ ପ୍ରାୟ ୧୦୦୦୦ ଟଙ୍କା ରୁ ଅଧିକ ଟଙ୍କା ମିଳି ଥିଲା ।
କେତେ ଦୁଃଖ ଦେବୁ ଦେ ରେ କାଳିଆ ଗୀତ ଯେମିତି ହିଟ ସେମିତି ନାଟକ ବି ହିଟ, ନାଟକର ମୁଖ୍ୟ ଚରିତ୍ରରେ ସୁବାସ ବେହେରାଙ୍କ ଅଭିନୟ ଦର୍ଶକଙ୍କ ହୃଦୟକୁ ଛୁଇଁଛି ସେଥିରେ ଲୋକପ୍ରିୟ ହିରୋ ଅଜୁ ଥିବା ବେଳେ ନାୟିକା କାବେରୀ ଓ ଆପୂ ମଧ୍ୟ ଅଛନ୍ତି । ମାନସୀ ଓ ଅକ୍ଷୟଙ୍କ ଯୋଡି ବି ବେସ ଜମୁଛି । ନବ ଘୋଷଙ୍କ ସହିତ ଦୁର୍ଦାନ୍ତ ଖଳ ନାୟକ ଜ୍ଞାନଙ୍କ ଡାଇଲଗ ରେ ମଞ୍ଚ ଥରୁଛି ।