ମହିଳା ଗାଧୋଇବା ପାଇଁ ନଦୀକୁ ଯାଇଥିଲେ ଆଁ କରି କୁମ୍ଭୀର ତାଙ୍କ ପାଖକୁ ଚାଲି ଆସିଲା । ବିଶାଳ କାୟ କୁମ୍ଭୀରର ଲମ୍ବ ପ୍ରାୟ ୧୨ ଫୁଟ ହେବ । କୁମ୍ଭୀର ଟି ମହିଳା ଙ୍କ କାନିକୁ ଧରି ନେଇଥିଲା ଓ ମହିଳା ଜଣଙ୍କ ବଡ ପାଟିରେ ଚିତ୍କାର କରିବା ସହ ଛାଟି ପିଟି ହୋଇ ଅଳ୍ପକେ ବର୍ତ୍ତୀ ଯାଇଥିଲେ । ଭଗବାନଙ୍କ ଦାୟରୁ ମହିଳାଙ୍କ ଜୀବନ ରକ୍ଷା ପାଇ ଯାଇଥିଲା ଆଉ ଟିକେ ବିଳମ୍ବ ହୋଇଥିଲେ କୁମ୍ଭୀର ଟି ମହିଳାଙ୍କୁ ଖାଇ ଯାଇଥାନ୍ତା ।
ଜ୍ୟୋତ୍ସାର ଜୀବନ ଯେପରି ଚାଲି ଯାଇଥିଲା ଠିକ ସେହି ପରି ତାଙ୍କର ଜୀବନ ମଧ୍ୟ ଚାଲି ଯାଇଥାନ୍ତା ଓ ତାଙ୍କ ସଂସାର ଭାସି ଯାଇଥାନ୍ତା । କିଛି ଦିନ ବ୍ୟବଧାନ ପରେ କୁମ୍ଭୀର ଫୁଣି ଆତଙ୍କ ଖେଲାଇଲାଣି। ନଦୀରୁ କୁମ୍ଭୀର ଚାଲି ଯାଇଥିବା ଭାବି ନଦୀକୁ କିଛି ମହିଳା ଗାଧୋଇବା ପାଇଁ ଯାଇଥିଲେ । ଗାଧୋଉଥିବା ସମୟରେ ଏକ ବିରାଟ କାୟ କୁମ୍ଭୀର କବିତାଙ୍କ ଶାଢୀ କାନିକୁ ଧରି ପକାଇ ଥିଲା ।
ଯଦି କବିତା ଟିକେ ଅସାବଧାନତା ହୋଇ ଥାନ୍ତେ ତେବେ ସେ କୁମ୍ଭୀର ପାଟି ରୁ ବଞ୍ଚି ପାରି ନଥାନ୍ତେ କିନ୍ତୁ ଆଜି କୁମ୍ଭୀର ପାଟିରୁ ଅଳ୍ପକେ ବର୍ତ୍ତୀ ଗଲେ କବିତା । ଏହି ଭଳି ଲୋମ ଟାଙ୍କୁରା ଦୃଶ୍ୟ ଦେଖିବା ପାଇଁ ମିଳିଛି ଯାଜପୁର ଜିଲ୍ଲାର ବିଞ୍ଝାରପୁର ବ୍ଲକ ଅନ୍ତର୍ଗତ ବାଙ୍ଗରା ପଞ୍ଚାୟତ କୃପାସିନ୍ଧୁ ହାଇସ୍କୁଲ ନିକଟସ୍ଥ ଖର ସ୍ରୋତା ନଦୀ ପଠାରେ ।
ଖବର ଅନୁଯାଇ ଗତ କାଲି କିଛି ମହିଳା ଗାଧୋଇବା ପାଇଁ ଆସିଥିବା ବେଳେ ହଠାତ ମଣିଷ ଖିଆ କୁମ୍ଭୀର ଟି ପଛ ପଟୁ ଆକ୍ରମଣ କରିଥିଲା, ମହିଳା ଚିତ୍କାର କରିବା ପରେ ଦୁଇଜଣ ଯୁବକ ଓ ତାଙ୍କ ପୁଅ ମିଶି ତାଙ୍କୁ ଘୋଷାଡ଼ି ଆଣିଥିଲେ ଏବଂ ଅଳ୍ପକେ ବର୍ତ୍ତୀ ଯାଇଥିଲା ମହିଳା କବିତା ଙ୍କ ଜୀବନ । କୁମ୍ଭୀର ବାରମ୍ବାର ନଦୀରେ ଆସି ଆକ୍ରମଣ କରୁଥିବା ଖବର ପାଇବା ପରେ ନଦୀ କୂଳିଆ ଲୋକେ ବହୁତ ଭୟବୀତ ହୋଇ ପଡିଛନ୍ତି ।
ଲୋକ ମାନେ ବନ ବିଭାଗ ପାଖରେ ବାରମ୍ବାର ଅଭିଯୋଗ କରିଲେ ମଧ୍ୟ କୌଣସି ପ୍ରକାର ସୁଫଳ ମିଳି ପାରି ନାହିଁ । କୁମ୍ଭୀର କବଳ ରୁ ରକ୍ଷା ପାଇବା ପାଇଁ ସରକାରଙ୍କ ପାଖରେ ଅଭିଯୋଗ କରିଛନ୍ତି ନଦୀ କୂଳିଆ ଲୋକେ ।